Sot në Kolegjin ISPE patëm të ftuar kandidatin për kryetar të Komunës së Ferizajt, z.Agim Aliu në një debat me studentët.
Përgjatë debatit z.Aliu u koncentrua më shumë në projektet konkrete që ai ka, në rast se fiton garën e balotazhit që zhvillohet me 19 Nëntor.
Ai potencoi që Ferizaj ka nevojë që të funksionalizoj zyrën e Integrimeve Evropiane me njerëz që kanë shkollim adekuat për të udhëhequr me këtë dikaster, në mënyrë që Komuna e Ferizajt të jetë sa më efektive në plotësimin e kritereve të kërkuara nga Bashkimi Evropian për qeverisje lokale.
Gjithashtu projektet e z.Aliu janë të ndërlidhura ngushtë me mundësinë e marrjes së fondeve që ndanë Bashkimi Evropian prej mekanizmave të tij, siç është rasti i fondeve ‘IPA II’ ku BE për periudhën 2014-2020 ndanë rreth 645 milionë euro për vendet që janë potencialisht kandidate për t’u antarësuar në BE, ku bënë pjesë edhe Republika e Kosovës.
Studentët e Kolegjit ISPE gjithashtu patën rastin që t’a ballafaqojnë kandidatin me pyetjet e tyre, ku ata ishin të interesuar të dijnë se sa dhe në çfarë forme do përkrahen studentët e komunës së Ferizajt dhe u pyet gjithashtu për top tre prioritetet e tij në rast se zgjidhet kryetar.
Z.Aliu tregoj që aktualisht përveç bursave komunale nuk ka ndonjë fond të veçantë për përkrahjen e studentëve mirëpo ai do të përkrahë studentët edhe në bazë të kërkesave individuale që do t’i bëjnë.
Ai u ndal edhe në çështjen e problemeve të trafikut dhe hekurudhës ku prezentoj planin e tij për zgjidhjen e këtij problemi, poashtu u diskutua edhe për gjendjen e klubeve të sportit në Ferizaj për të cilat kandidati në fjalë prezentoj një zgjidhje të shpejtë dhe funksionale, kurse në top tre prioritetet e tij theks të veçantë ju dha arsimit, biznesit dhe rinisë.
Kolegji ISPE do të vazhdoj që të organizojë debatet e këtilla me kandidatët e raundit të balotazhit me qëllimin që studentët tanë të kenë rastin nga afër të dëgjojnë dhe t’i pyesin kandidatët e komunave të tyre përkatëse.