Arsim që zhvillon individin. Aftësi që mbështesin komunitetin. Një vizion që na udhëheq përpara.
Eksploro më poshtë ↓
Kolegji ISPE ka për mision avancimin e arsimit dhe aftësimit profesional në Republikën e Kosovës, përmes zhvillimit të programeve studimore të bazuara në procese cilësore të mësimdhënies dhe mësimnxënies, zhvillimit dhe promovimit të punës kërkimore-shkencore, si dhe zhvillimit të burimeve njerëzore që ofrojnë shërbime cilësore për komunitetin dhe janë të afta të përballen me sfidat globale.
Misioni i Kolegjit ISPE është në përputhje me misionin e përgjithshëm të arsimit dhe aftësimit profesional në Republikën e Kosovës. Në këtë drejtim, Kolegji ISPE synon të implementojë planprograme mësimore me staf të kualifikuar dhe me përdorimin e metodologjive bashkëkohore, duke mundësuar arritjen e standardeve evropiane në edukimin e profesionistëve në fusha të ndryshme kurrikulare, me rezultate të matshme në shkathtësi dhe njohuri profesionale.
Institucioni ynë synon që, përmes programeve studimore, të zhvillojë dhe avancojë aftësitë individuale të nxënësve, duke i pajisur ata me dije të përdorshme në interes të individit dhe shoqërisë.
Të jemi një institucion udhëheqës në Kosovë dhe rajon në arsimin dhe aftësimin profesional, në infermieri, stomatologji, fizioterapi, farmaci dhe teknologji. Arsimi përfshin zhvillimin e personalitetit dhe ndërtimin e një sistemi të qëndrueshëm vlerash.
Na trego interesat e tua. Ne të ndihmojmë të eksplorosh mundësitë.